تبلیغات
انجمن شعر و ادب
خلاصه ی آخرین ارسالهای سایت
بازار منی


ائلین ماهنى سى تك اونودوب دور یار منى
نه ساز چالیر هاواسیندا نه تار منى
تجربه تندیرینده پیشیرسین قات با قات
هله لیك برك بوشا سالار روزگار منى
عالم مجاز ، پیام ، اس امس ، تلگرام
بى كیلاس دئیور بولارسیز نیگار منى
عشقیمى پیمان كارلا قرارداد باغلاسین
ائلیور خصوصى شركته واگذار منى
سات سین اوچوز وارلیقیمى معركه قوروب
هاى هوى سالیب ائلیب شنبه بازار منى
میدان میصر تك نجه نادان دوروب صفه
قلب درهمه هله آلار ساتار منى
كوهنه تاریخه قوشسین خارابلاسین
ایراندا قجر یازار ، روس دا تزار منى
قیرت شرف ویجدان ایاقلانسا یوز بئله
آپاراجاق هارا بو قان سیز دامار منى
سویوق محببت الینده گور نه قیشلادیم
سانكى گدیك باشیندا توتوب كى قار منى
جهلین محاصیره سین سیندیرام ویریر
چنگیز حمله سینده بو قوم تاتار منى
بیر گون بیر آینا كیمین پارلارام یئنه
هرچند آلسا توز تورپاق یا غبار منى
ثبوت ائده رم او یاره صادیق عشقیمى
شیخین حكمینده خلاص ائتسه دار منى
دایاغیم دى اوز ائلیمین قهرمان لارى
اوزگه سانسادا رستم ، اسفندیار منى
قاریچ قاریچ بو دیارین اوز اوغلویام
بیگانه بیلسده بغداد ، قندهار منى
دیلیمه ، ائلیمه دوزگون شاعیر اولماسام
یاشاماقدانسا قوى اولدورسون بو عار منى
شعرین كیتابیندا هانى اولدوز هانى آى
بو قارانلیق بئله قالسا جین باسار منى
نه مئى نه جام نه گولوم میخانه گوشه سى
ائت دى خراب گورنه بیر چشم خمار منى
بیر گون خیال خیال اوبانیزدا كوچ دوشم
باخ قاتار قاتار آپارار دورنالار منى
بیر آنلیقا قارا تئللرینده آسلانام
گوسترگیله زولفینى بودردن قوتار منى
عشقین معرفتین دوشونجمله آنلارام
قویسا اوزوم ، اوزومده كى بو حاصارمنى
ساوالان ، سهند ، بالهارى ، قهرمان آراز
بیر گون وطن زیروه سینده اوجالدار منى
غزل مولكونده فكرت كیمین وطن داشام
باغیشلاسین دئیون استاد شهریار منى


لطفعلى فكرت / وطن داش

بروز رسانی شده در : پنجشنبه 17 دی 1394 08:39 ب.ظ
تاریخ ارسال : پنجشنبه 17 دی 1394  04:40 ب.ظ    نویسنده :   انجمن شعر و ادب
لطفا دیدگاه خود را درباره این مطلب بنویسید
تاریخ ارسال :   دوشنبه 21 دی 1394 11:15 ق.ظ
سلام مدیر چوخ گوزل یاشا وطن داش فکرت جنابلاری
تاریخ ارسال :   جمعه 18 دی 1394 10:21 ب.ظ
عالی است
از شعر شاعر محترم ورزمنده بسیجی دوران دفاع مقدس وغزل گو برادر فکرت هم رزم جبهه وجنگ از شعر های پر نغزش در انجمن شعر وادب شهرستان بیله سوار نهایت استفاده رابردیم
تاریخ ارسال :   جمعه 18 دی 1394 01:52 ق.ظ
سلام مدیرجان بیزیم استاد اورگده کی سوزلرینی چوخ گوزل بیر ترکیب بندیله نظمه چکیب اوسوزلرکی بو دور زمانه ده کوروروک ودیله گتیریب دییه بیلموروک قلمون وار اولسون وطن داش جنابلاری یاشا جناب فکرت

ایمیل شما نمایش داده نخواهد شد


 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.

دریافت کد ابزار آنلاین
ابزار نمایش تعداد افراد آنلاین