تبلیغات
انجمن شعر و ادب
خلاصه ی آخرین ارسالهای سایت
بری باخ
دؤلانیم باشینه اى دلبر تن ناز ، برى باخ
بو قدر عاشیقینه ائیلمه سن ناز ، برى باخ
نه یامان سن داش اوركسن نه یامان انصاف سیز
هر سؤزه باش آتاراق سؤیلمه اولماز ، برى باخ
چؤخ عناد ائتمه غرور انسانى حرمت سیز ائدر
سنه دایم بو گوزللیك بئله قالماز ، برى باخ
منى گؤرجك بو قدر تؤكمه نازیم قاش قاباقین
قیش دئییل قارلاییسان ایندى ٱولوب یاز برى باخ
نه اولار ؟ ایسته گیمى سنده قبول ائیله دایان
بو یانان قلبیمه أول همدم و همراز ، برى باخ
بونى آنجاق دئییرم : من سنى جاندان سئویرم
گؤزینه مین دفعه ( راشید ) باخا دؤیماز ، برى باخ



استاد مرحوم حاج راشیدین سؤزلى سؤزلرى كیتابیندان بیر گوزل غزل ، حورمتلى اوخوجولارین محضرینه تقدیم اولور

بروز رسانی شده در : جمعه 21 اسفند 1394 05:38 ب.ظ
تاریخ ارسال : جمعه 21 اسفند 1394  05:37 ب.ظ    نویسنده :   انجمن شعر و ادب
شعر ارسالی
چوزولمه ین بوز اولسادا
کور یاراما دوز اولسادا
یانان،یاخان کوز اولسادا
سئودیگیمی وئرین منه

اونودسون هئچ یاد ائتمه سین
حوزون وئرسین شاد ائتمه سین
هئچ موتلولوق وعد ائتمه سین
سئودیگیمی وئرین منه

مورادیم او،مرامیم او
حالالیم او،حارامیم او
اسگیگیم او ، تامامیم او
سئودیگیمی وئرین منه

اونونلا شنله نیر اوزوم
اونا عایید مولکدور اوزوم
غیریلرین گورمه ز گوزوم
سئودیگیمی وئرین منه

اونسوز چوره گ،آش سو حارام
سیمسیز قالان پاسلی تارام
شفا تاپسین هر بیر یارام
سئودیگیمی وئرین منه


شاعر: س.ز -بیله سوار.

بروز رسانی شده در : جمعه 21 اسفند 1394 05:36 ب.ظ
تاریخ ارسال : جمعه 21 اسفند 1394  05:35 ب.ظ    نویسنده :   انجمن شعر و ادب
شعر ارسالی از خوانندگان وبلاگ
چوزولمه ین بوز اولسادا
کور یاراما دوز اولسادا
یانان،یاخان کوز اولسادا
سئودیگیمی وئرین منه

اونودسون هئچ یاد ائتمه سین
حوزون وئرسین شاد ائتمه سین
هئچ موتلولوق وعد ائتمه سین
سئودیگیمی وئرین منه

مورادیم او،مرامیم او
حالالیم او،حارامیم او
اسگیگیم او ، تامامیم او
سئودیگیمی وئرین منه

اونونلا شنله نیر اوزوم
اونا عایید مولکدور اوزوم
غیریلرین گورمه ز گوزوم
سئودیگیمی وئرین منه

اونسوز چوره گ،آش سو حارام
سیمسیز قالان پاسلی تارام
شفا تاپسین هر بیر یارام
سئودیگیمی وئرین منه


شاعر: س.ز - بیله سوار.

بروز رسانی شده در : شنبه 24 بهمن 1394 06:51 ق.ظ
تاریخ ارسال : شنبه 24 بهمن 1394  06:49 ق.ظ    نویسنده :   انجمن شعر و ادب
شعر ارسالی از محمدعلی حکمتی





گوردوم کوچوراول آغ چیچه گیم قان لکه لندی
قددیم بوکولوب جسمیده کی جان لکه لندی
سن سیز منه دونیا اولاجاغ تورمه ده تورمه
باخدی بو گوزوم کور کیمی مهمان لکه لندی
من وارلیق ایتیردیم اوزاماننان کی سن اوشدون
گولمز بو گوزوم چونکی او پیمان لکه لندی
صبرین سوزی بو عرصه ده معنایه یتیشمیر
ناکام سایی آرتدیقجا بیابان لکه لندی
گوردیم چیچه گیم گیمیشیدی رخت عروسی
یاندیم ائله بیل نازنین اینسان لکه لندی
یوز چشمه لر آشدیم سویونو دادمادیم امما
دوز شخصه دئدوک ایریدی ایمان لکه اندی
ای غمزه سی یوز درده دوا ائیله ین آغ گول
تئز درد دیمه درمان ائله باغبان لکه لندی
دوشدو هامارا صبر دیلندی دئدی(حکمت)
یاندیردی منیم عشقیمی جانان لکه لندی




بروز رسانی شده در : یکشنبه 20 دی 1394 11:02 ب.ظ
تاریخ ارسال : یکشنبه 20 دی 1394  10:58 ب.ظ    نویسنده :   انجمن شعر و ادب
بازار منی


ائلین ماهنى سى تك اونودوب دور یار منى
نه ساز چالیر هاواسیندا نه تار منى
تجربه تندیرینده پیشیرسین قات با قات
هله لیك برك بوشا سالار روزگار منى
عالم مجاز ، پیام ، اس امس ، تلگرام
بى كیلاس دئیور بولارسیز نیگار منى
عشقیمى پیمان كارلا قرارداد باغلاسین
ائلیور خصوصى شركته واگذار منى
سات سین اوچوز وارلیقیمى معركه قوروب
هاى هوى سالیب ائلیب شنبه بازار منى
میدان میصر تك نجه نادان دوروب صفه
قلب درهمه هله آلار ساتار منى
كوهنه تاریخه قوشسین خارابلاسین
ایراندا قجر یازار ، روس دا تزار منى
قیرت شرف ویجدان ایاقلانسا یوز بئله
آپاراجاق هارا بو قان سیز دامار منى
سویوق محببت الینده گور نه قیشلادیم
سانكى گدیك باشیندا توتوب كى قار منى
جهلین محاصیره سین سیندیرام ویریر
چنگیز حمله سینده بو قوم تاتار منى
بیر گون بیر آینا كیمین پارلارام یئنه
هرچند آلسا توز تورپاق یا غبار منى
ثبوت ائده رم او یاره صادیق عشقیمى
شیخین حكمینده خلاص ائتسه دار منى
دایاغیم دى اوز ائلیمین قهرمان لارى
اوزگه سانسادا رستم ، اسفندیار منى
قاریچ قاریچ بو دیارین اوز اوغلویام
بیگانه بیلسده بغداد ، قندهار منى
دیلیمه ، ائلیمه دوزگون شاعیر اولماسام
یاشاماقدانسا قوى اولدورسون بو عار منى
شعرین كیتابیندا هانى اولدوز هانى آى
بو قارانلیق بئله قالسا جین باسار منى
نه مئى نه جام نه گولوم میخانه گوشه سى
ائت دى خراب گورنه بیر چشم خمار منى
بیر گون خیال خیال اوبانیزدا كوچ دوشم
باخ قاتار قاتار آپارار دورنالار منى
بیر آنلیقا قارا تئللرینده آسلانام
گوسترگیله زولفینى بودردن قوتار منى
عشقین معرفتین دوشونجمله آنلارام
قویسا اوزوم ، اوزومده كى بو حاصارمنى
ساوالان ، سهند ، بالهارى ، قهرمان آراز
بیر گون وطن زیروه سینده اوجالدار منى
غزل مولكونده فكرت كیمین وطن داشام
باغیشلاسین دئیون استاد شهریار منى


لطفعلى فكرت / وطن داش

بروز رسانی شده در : پنجشنبه 17 دی 1394 07:39 ب.ظ
تاریخ ارسال : پنجشنبه 17 دی 1394  03:40 ب.ظ    نویسنده :   انجمن شعر و ادب
شعر ارسالی زیبا از جناب پورمان عزیز





آدین اوول سطیرده . یازجاق نامه گول آشدی
بارماقلاریم اوینادی . دوردو ، خامه گول آشدی
قلبیم ائله سئویندی . سینه مده دایانمادی
اینیمده کی گئیدیگیم . بوتون جامه گول آشدی
عشقین حیکایه سینین . گوزل لیگین ائشیدجک
عارفین باشینداکی . آغ عمامه گول آشدی
پنجره دن بیر آنلیق . ساچلارین وئردی یئله
کوچه ده خیاباندا . نه وار شامه گول آشدی
اول سروه باخ نازی لا .قیزل گوله باش ایدی
بولبول لرین دیلینده . خوش چکامه گول آشدی
اوزو نئجه گونشدی ؟ دوشجگ یارپاق اوستونه
صمد ، سوسوز بستاندا . کال شمامه گول آشدی

بروز رسانی شده در : چهارشنبه 16 دی 1394 12:20 ق.ظ
تاریخ ارسال : چهارشنبه 16 دی 1394  12:12 ق.ظ    نویسنده :   انجمن شعر و ادب
غزلی زیبا از مرحوم استاد دكتر سولماز فهیمى
طعن ائدیر یاریم كى ، عشقینده خلالین وار سنین
منله گولمورسن ، دانیشمیرسان ، ملالین وار سنین
سیره غیرایلن چیخیب گورجك منى مین نازیلن
قاشلارین طاقیندا دا بیر جوت هلالین وار سنین
روز و شب همدم رقیب ایلن اؤلوبسان گؤز داغى
وورماغا سؤیله اؤزون ، هاردا مثالین وار سنین
چكمه سه گر ال بو سئودادان سؤزر بخت اولدوزون
اینجیمه گؤرسن اگر حكم قتالین وار سنین
دیسكینیب دوردوم ، دئدیم یارب نه سؤزلردیر بولار ؟
اى دل عاشق ! مگر نقص كمالین وار سنین
مدرك جرم ایسته دیم ، باخدى اشاره یلن دئدى :
بو رقیب ایلن مگر جاى سوالین وار سنین
دؤره مه باخدیم آنامدان باشقا بیركس گؤرمه دیم
شبهه لندیم اى گؤزوم ، بس اختلالین وار سنین
بیرده تكرار ائیله جرموم نه دیر ، كیم دیر رقیب
بو آنان لا _ سؤیله دى چوخ اتصالین وار سنین
تئز دئدیم : آخر آنامدان كى ، رقیب اؤلماز سنه
دینمه سن خوشدور ، دئدى فرض محالین وار سنین
فكره دالدیم عشق دریاسیندا غرقم ، نئیله ییم
قورخما ، الهام اولدو ، حى لایزالین وار سنین
عشقین آللاهدان نشانى ؤلسا ، سؤنمز شعله سى
یار اؤزو سؤیلر یئنه (سولماز ) مدالین وار سنین



پی نوشت: مجموعه ی "لئسان یاغیشی"؛ (سچمه لر)

بروز رسانی شده در : چهارشنبه 16 دی 1394 12:11 ق.ظ
تاریخ ارسال : چهارشنبه 16 دی 1394  12:07 ق.ظ    نویسنده :   انجمن شعر و ادب
دیدگاه ها
اعضای محترم لطفن در بخش دیدگاه های وبلاگ مطالب پیشنهادی خود را وارد کنند تا پس از سامان دهی وبلاگ، وبلاگ را عمومی کنیم...
با سپاس

بروز رسانی شده در : چهارشنبه 16 دی 1394 12:29 ق.ظ
تاریخ ارسال : شنبه 12 دی 1394  05:48 ب.ظ    نویسنده :   انجمن شعر و ادب

دریافت کد ابزار آنلاین
ابزار نمایش تعداد افراد آنلاین